شركة اور نت
آلسلآم عليكم ورحمة الله وبركاته }~



كيف حـآل زـآئرنـآ آلكريم ,, نتمنى أن تكون في تمـآم آلصحه وآلعآفيه }~

وأن شـآء آلله يكون آلمنتدى عجبكِ ,,|~

وكمـآ يشرفنـآ تسجيلكِ معنـآ في آلمنتدى ..
}~

،،

،


/


مع خـآلص شكري وتقديري وأحترـآمي ,,|~


الإدـآرهـ



 
الرئيسيةالبوابةاليوميةمكتبة الصورس .و .جبحـثدخولالتسجيل
*-*-* السلام عليكم ورحمة الله و بركاته ادارة شركــــة اور نت تهنئكم بمناسبة حلول شهر رمضــان الكريم اعاده الله علينا و على الامة الاسلامية بخير *-*-* الادارة *-*-*

شاطر | 
 

 قائمة مسلسلات رمضان ومشاهد منها

اذهب الى الأسفل 
كاتب الموضوعرسالة
yahia
مدير عام
avatar

الجنس : ذكر
المهنة : طالب
مشاركاتى : 23
سمـعـتي : 0
النــقاط : 65
تاريخ التسجيل : 01/04/2011

مُساهمةموضوع: قائمة مسلسلات رمضان ومشاهد منها    الثلاثاء 23 أغسطس - 10:57






اللهم بلغنا رمضان
واكتب لنا فيه الغفران
واعتق رقابنا من النار

..........

فعلا العنوان بجد
مسلسلات رمضان عندنا هنا فى

احلى حياة فى طاعة الله

اول مسلسل وهيكون ان شاء الله
هيبدأ قبل رمضان بيومين
واسمه
ان لمعدتك عليك حق
وهو بطولة
معظم الناس
معظم الناس قبل رمضان بتشترى اكل بكميات كبيرة
تحت شعار

$&$**رمضان بيحب الاكل**$&$


وبيبقى فى اماكن تانية ناس جعانة
ومستنية منك لو كيلو مكرونة

والمسلسل دة بيتكرر كل رمضان
وبتدور القصة حول ان بعض الناس بتبالغ فى العزايم
والاكل اللهم بارك يأكل منطقة وفى الاخر يتبقى من الناس
وبيترمى فى الزبالة


ويكون فى ناس تانية محتاجة الاكل اللى بيترمى دة

______________________________________

المسلسل التانى واسمه
زحمة يا دنيا زحمة وانا صايم ومش طايق




والمسلسل هيعرض ان شاء الله فى نهار رمضان

وحلقة الاعادة قبل موعد الافطار بساعة



ومكان تصوير المسلسل الشوارع

وبتدور قصة المسلسل بين كل الناس

تحت شعار صايم ومش طايق

ودة مشهد صغير منه

كيلاكـــــيت
3 .....

2 ......

1...

(فى التاكسى شاب ملتزم مع السائق)

الشاب:مش طايق ليه يعم الحج؟

السائق:انت مش حاسس بالحر والزحمة

الشاب:طب وهتعمل ايه يوم القيامة؟
السائق: شوف انا بكلمك فى ايه وانت بتكلمنى فى ايه

الشاب: طب معلش استغفر ربنا عشان تهون هن نفسك
وتاخد اجر الاستغفار
السائق: يعم بقولك حرااااااااااااااااااان تقولى استغفر

الشاب : طب بس اهدى كدة انت عارف ان كل ما يكون الصيام صعب
كل ما يزيد اجرك عند ربنا
السائق:ونعم بالله ربنا يهون علينا الزحمة دى
مهو الواحد مش ناقص
(ويعدى واحد يكسر عليه بسيارته ويبدأ قاموس من الشتائم وفى النهاية بعد ان تنهمر الالفاظ كالمطر يقول )
مش عايزين نخسر صيامنا عليكوا
دى العربية اللى جايبهالك ماما؟
ما انت لو بتشقى زينا مكنتش عملت كدة

هوة انت كدة مخسرتوش
الله المستعان
نزلنى هنا على جمب
جزاك الله خيرا
(وبعد ما يمشى يقول السائق)
ايه يعم الناس الغريبة دى
هوة مش صايم زينا وللا ايه
هادى كدة وعمال يستغفر فى سره
دة حتى كدة ريق الواحد ينشف
وللا على رايه احسن ما ينشف فى الشتايم اللى انا قولتها
سامحنى يارب

....................................
اما المسلسل الثالث
وهو بطولة ابليس

اسمه
(السجاير مبتفطرش)



ودة بطولة مجموعة من الشباب
بطولة مشتركة
وضيف الشرف النفس الامارة بالسوء

ودة بقة مشهد بيشوفه كتير مننا
(شاب ماشى بيشرب سجاير وقابل زميله)

عمرو : اهلااااااااااااااااااااااااااااااً
ازيك يا مصطفى عامل ايه؟

مصطفى : الحمد لله رايح فين كدة
وايه السيجارة دى انت مش صايم ياض

عمرو : صايم الحمد لله يعم السجاير مبتفطرش
تاخد واحدة تلاقيك على لحم مخك من الصبح
مين اللى ملى دماغك بكدة ؟

مصطفى : ملى دماغى ايه يعم
هية دى محتاجة حد يملى دماغى

عمرو : المهم يعم الشيخ رايح على فين كدة؟

مصطفى : رايح المسجد اصلى لسة مخلص شغل
قلت اروح اصلى العصر واقرا قرآن لحد المغرب

عمرو: بجد لا قلقتنى عليك
انت بقيت بتروح مساجد ومن شوية تقولى السجاير حرام وبتفطر
لا انا كدة قلقت ايه يعم الجو دة فك كدة
اقولك انت ابن حلال ورزقك فى رجليك
انا رايح خيمة بليل تيجى
هندوس ونقضيها للسحور والبت نانسى ودينا جايين

مصطفى : لا اله الا الله
ايه يعم انت فى الضياع علطول كدة
لا يعم ربنا يهديك تعالى انت معايا المسجد وبليل بقة
هنروح تانى نصلى تهجد بس جرب

عمرو: مسجد ! يااااااااااه اتاخرت على ماتش الكورة يللا سلام بقة

مصطفى : وعليكم السلام ورحمة الله وبركاته

.........................................

اما بقة المسلسل الرابع
ودة بطولة اسرة ملتزمة

عارفة يعنى ايه صيام ويعنى ايه رمضان؟
ومش محتاجة اتكلم عنهم
وارجو من الله ان يجعلنا جميعا ممن يقدرون هذا الشهر
الاسرة دى عارفة ان رمضان صيام مش عن الاكل بس؟
عارفة ان رمضان قرآن وقيام
عارفة ان رمضان فرصة ولازم نستغلها

..................................
اما المسلسل الاخير
" تفريغ لجزء من محاضرة صناع الفساد للدكتور حازم شومان"
وهوة بجد مسلسل مش هزار
ممثلين وممثلات

طب احنا بنعمل ايه ؟
واحد شاف شاب وقتاه واقفين فى الشارع
بيهزروا ويضحكوا وواقفين فى منظر سئ
قالهم استنوا تعالوا اطلعوا معايا بيتى
وقعدهم مع بعض وقالهم كملوا
ونده لولاده ومراته وقعدوا يتفرجوا عليهم
تخيلوا الناس هتقول عليه ايه؟
هتقوله انت بتدخل الشيطان بيتك وبتدمر ولادك
رد وقال عادى

تخيلوا معظم اباء المسلمين عملوا كدة
انت عارف المسلسلات اللى ابنك بيتفرج عليها بتعمل فيه ايه؟
انت عارف المشاهد اللى بنتك بتشوفها وانت قاعد جمبها بتعمل فيها ايه؟
بتضيعهم اد ايه؟

احنا دلوقتى دينا بيتحارب بهذه الامور
متقوليش تنوير
متقوليش فن هادف
متقوليش بيدونا خبرات فى الحياة

يا جماعة هذه المسلسلات وهذه الافلام
$&$ حرام $&$
خافوا على قلوبكوا
حافظوا على قلوبكوا
كل مشهد وكل منظر بيطبع على قلبك

عارفين المسلسلات دى عملت فينا ايه؟
دى بتوه الشباب

قال تعالى:


يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا
وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ
لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ




......................................





هل نفس المسلسلات هتتعرض
وللا هنبدأ نفوق بقة؟

هل هنبدأ نفهم يعنى ايه رمضان؟

هل هيكون
رمضان كما يجب ان يكون؟

سبحانك اللهم وبحمدك

لا اله الا انت

نستغفرك ونتوب اليك

لا تنسونى من صالح دعائكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/yehiawebas?success=1#!/yehiawebas
 
قائمة مسلسلات رمضان ومشاهد منها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شركة اور نت :: المنتديات العامه ::   ::  قسم الدين الاسلامي الحنيف-
انتقل الى:  

 

Powered by ornet.yoo7.com ® Version 2
Copyright © 2011
.:: جميع الحقوق محفوظه لـ شركة أور نت © ::.
جميع المواضيع و الردود تعبر عن رأي صاحبها ولا تعبر عن رأي إداره شركة لـ أور نت بــتــاتــاً
»» إبراء ذمة إدارة الشركة ، امام الله وامام جميع الزوار والاعضاء، على مايحصل من تعارف بين الاعضاء او زوار على مايخالف ديننا الحنيف، والله ولي التوفيق

© phpBB | انشاء منتدى | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك