الله اكبر كلّ مـا دنّـت نواقيـس الرعـودوالله اكبر كل مـا هبّـت نسانيـس البـراد |
والله اكبر حربةٍ مسمومةٍ فـي راس عـودوالله اكبر ضربة مذكـورةٍ فـي كـل نـاد |
والله اكبر ننطـح القـالات ونـرز البنـودوالله اكبر ناخـذ الطـالات كسـبٍ بالايـاد |
والله اكبر نركز البيرق على راس العمـودوالله اكبر واستمع يا ميت وانطق يا جمـاد |
والله اكبر في وطن عبد العزيز آل السعـودالإمام اللي تزرّعهـا وهـي حـزمٍ جـلاد |
فيصلـيٍّ ساقهـا بيـن الطويلـه والنفـودلين راحت زمرة الباشا وابو الباشـا نفـاد |
جدّد التوحيد وابطل سالفـة لطـم الخـدودبعد مـا كانـت عبـاد الله تسجـد للعبـاد |
ايه ابو تركي ليا صاحت منقّضـة الجعـودجاك في نمرا تدافع مثـل عمـدان الجـراد |
ايه ابو تركي ليا وخـذوا مشرّقـة الجلـودشال حتفه فوق كتفه مثل بن طـارق زيـاد |
ايه ابو تركي تنـود الراسيـات ولا ينـودبسم ابو تركي معزّي يا منادي القـوم نـاد |
ايه ابو تركي ليا من طق عـودٍ راس عـودزلزل عروش العدا بأصغر عدد وابسط عتاد |
ايه ابو تركي ليا صكّت مروّضـة الفهـودساقهم سوق البغال الزرق في سوق المـزاد |
الإمام اللي حماها من الحدود اليـا الحـدودبالرماح الخضر والحمر المراهيف الحـداد |
لين خلاها سهـود سهـود ومهـودٍ مهـودما درى عن صيحة المهّاد طفلٍ في المهـاد |
في ظلاله هيجن النجدي تعالـي يـا نجـودوالحجازي صاح في راس الجبل بانت سعاد |
يا وطنا كلنـا دونـك فـدا وارقـى سنـودإن بغوهـا بالرضـا والا بغوهـا بالعنـاد |
يا وطنـا كلنـا لا ظلـل الصايـح جنـودكل حرّ يوم عيدك ساق لـك روحـه عيـاد |
يا وطنا لـك تماسكنـا زنـود فـي زنـودلا غدا شيطانهـا يقـدح زنـادٍ فـي زنـاد |
يا وطنا مالنـا دونـك ليـا شبـت صـدودلو تميد الأرض باللي فوقها والجمـع مـاد |
ما نشدنا عن حقود ولا نشدنا عـن حسـودعندنا للي يفزز من وجـع راسـه ضمـاد |
ضربةٍ عدواننا مـن قوهـا خـروا سجـودطوّعت عشر القبايل من جذام ومـن إيـاد |
يا وطنا نفتديك مـن المهـود اليـا اللحـودايه يا متنا وحنـا احـرار أو تـمّ المـراد |
دون حدك نمشي حشود وتردفهـا حشـوديا دهيناهـم ضحـى والا هجدناهـم هجـاد |
نحتزم للموقف المشهـود والعالـم شهـودوالله انا لـو نذابحهـم علـى حبـة رشـاد |
ديرتي قبلة شعوب الأرض والرايـح يعـودمن أقاصي القرن الافريقي إلى اسلام إبـاد |
مالنا من دونها فوق الوجـود ايـة وجـودنعبو من من لا ثنى من دونهـا ساقـه وذاد |
من بعد ذا يا هجوسي بيني خافـي السـدودغطرفي ثم غطرفي ثم غطفرفي وارقي سناد |
بابو فيصل مشعل يـا مرحبـا الـف وزودمرحبا ترحيبةٍ مـن عنبـر الهنـد وزبـاد |
مرحبا باللي رفع سوق الإبل عقب الركـودمرحبا باللي حمى هيبـة مقرقعـة التـواد |
مشعل اللي عز سوق البل واعاد لها الوجودعقب ما طاحت قيمها وعقب طاولها الكساد |
عقب ما كانت تيوس الشام مثل اطيب قعودعز مشعل سوقها حتى أعاد المجـد أعـاد |
من عقب ما كانوا آهلها يعضّـون الحيـودما تقول الا ضحايا الفقر في دولـة تشـاد |
عينوا خيرٍ وكـلٍّ حـط لـه قصـر وذودعقب ثوب الفقر الأول لبسوا بشوتٍ جـداد |
لين خلى اهل التجاره من عقب خمسة عقودفي اقتناء البل تسابق قدمنـا مْسابـق جيـاد |
ذي حقيقه ما يعارضني عليهـا الا جحـودناكر المعروف ما يسوى ملـي اذنـه قنـاد |
زين شوف البل بقفرٍ داولـه ذعـذاع نـودخمسة الوانٍ مثل شكل الأصابع في الأيـاد |
أول الخمسه مجاهيمٍ سـوات الليـل سـودما تشوف الشمس وانته بينهنّ مـن السـواد |
لا حدى الحادي وقامت عن محاريها تحـودكنّها نسوة شريـف لبسـن ثيـاب الحـداد |
كن تجاوبهن ليا وردن على طـوال العـدودمن بعيد صفوف فرقة سامري قامت تـراد |
وثاني الخمسه مغاتيـر تـرود القفـر رودتقل غر مزون صيف مع دخول اول جمـاد |
أو تقول خيام بدو ركزوهـن حـود حـودكاد يذهب نورها الوضـاء بالأبصـار كـاد |
كنّها ساعة تخثّع من خيـار الخـود خـودفي سرايا حاكم قامت تخثـع فـي المخـاد |
ثالث الخمسه صفر ذود تقول كسـرّ عـودلا تبعثر جمعهن بيـن الصياهـد والحمـاد |
كن فحلهن بينهن ساعة غدن طـود وطـودضابطٍ فـرّق طوابيـره جماعـات وأحـاد |
ورابع الخمسة قبب شعلٍ يصحـن الرقـودمن تولع في هواهـن مـا تحالـى للرقـاد |
كنهن أضواء معبـد كاهـن لبـس البـرودأو شظايا كوكبٍ عنه القمر في قرين حـاد |
أو شعاع آساورٍ بكفـوف غضّـات النهـودأو خرز عقدٍ على عاتق شبيهـة شهـر زاد |
خامس الخمسة حمر ذود مع التلعـه تنـودكنهن لون الخجل في خـد سلمـى أو وداد |
كنّهن موكب وفـودٍ عنـد توديعـه وفـودلا عزلنا لون عن لـونٍ و كـلٍّ لـه مقـاد |
كن حنين بكارهن لا جن مع الساقـه ورودصوت من ردّد بكاءً كاف ها يا عين صـاد |
|
الله اكبر لا سـواه الواحـد الفـرد الـودودباسط السبع الأراضي رافع السبـع الشـداد |
الله اكبـر والليالـي العاقـره منهـا ولـودتصبح الصبـح لقحـه يالله طلبنـاك الرشـاد |
آخر الأفراح حسـره وآخـر الأجسـاد دودفي حكم سود الليالي يا تصيد أو يـا تصـاد |
ما يفيـدن النصايـح واحـدٍ مـا فيـه فـودخاسرٍ من فـي زمانـه لا استفـاد ولا أفـاد |
كم صديق يظهر الصحبه وهو خصـم لـدودظاهره ظاهر صلاح وباطنـه باطـن فسـاد |
والله ان الترك ابا الفرك آخره طـق الكبـودوالله ان الحزم ابا اللزم آخره طـب الفـواد |
ما لقيت اعـدا عـدوٍ للنجـاح مـن القعـودالقعاد اكبر مسبّب للفشـل يـا اهـل القعـاد |
من تعقب جرة السـاده يجـي يـوم ويسـودومن تعقب جرة العبـد يغـدي مثلـه عبـاد |
كلّ نارٍ في دجى الظلماء سناهـا مـا يقـودمـا تحسّفنـا لعـوّد جمرهـا كومـة رمـاد |
كـود رجّـال خناقـه فكّتـه يمنـاه كــودلا تدوّر من يفكـك لـوّ مـن شوكـه قتـاد |
المراجل يـا منشّـد عـن حراويهـا تكـودما تلايم كـود قـرمٍ حـرٍّ أو سمـحٍ جـواد |
النشامـى لا عطاهـا الله بمـا تلقـى تجـودوالعفن صبخا مثل ما هو عفن رايـح وغـاد |
كلّ حيٍّ ميّتٍ والعمـر لـو طـال محصـودغير قولة والنعم كل ْ شي له ساعـة حصـاد |
ليث غابٍ واحد ولا ميّة الـف مـن القـروديا قرود جبال صعده واخـذو العلـم الوكـاد |
يا مناصرة النصـارى يـا مهـاودة اليهـودديرتي ما زالت اطهر ديرةٍ واشـرف بـلاد |
يا بقايـا عـاد ألا بعـداً لعـادٍ قـوم هـوديا بقايا أمـة الأوثـان مـن حاضـر وبـاد |
عصبة كلاب ودعاة ارهـاب ملعونـة بـدودكل علبا فيه من شـدة وصـخ جلـده قـراد |
كل من حك ظهره لو هوّ من حزب اللكـودقال انا من آل بيت المصطفـى وكثّـر وزاد |
حطوا انفسهم هواشـم يحسبـون انـا هنـودوهم بقايا إبرهه الاشـرم تـلادٍ مـن تـلاد |
عصبةٍ باعـت عروبتهـا بكـم حفنـة نقـوديا سلالة يزدجـرد الفارسـي حتيـش عـاد |
يدّعون المذهب الزيدي وهم مـا هـم زيـودبئس ما هم فيه من بدعـه وبئـس الاعتقـاد |
ابشرو بالصيحة اللي كنهـا صيحـة ثمـودفي قفاها ريـح عـاد هـل إرم ذات العمـاد |
كلنا عن دارنا في ظـل ابـو متعـب نـذودكلّ ذيب له هريف وكـل طيـرٍ لـه هـداد |
في ذرا بدر السرى ليث الشرى رمز الصمودابو متعب لا عـلا سـو البـلا والشيـن زاد |
سيدي بحر الندى سقم العدا طيـب الجـدودطيب طيبه من ولد قايد بلـد مـا هـو يقـاد |
ايه اسد ما هوب أسد مثله مثل باقي الاسـودالا اسد عن الف اسد وان قام في اللازم سداد |
ابو متعب درعنا المعهود من ماضي العهـودسالفته السالفـه مـا هـي سوالـف سندبـاد |
قائد الشعب السعودي وبيـرق العـز معقـودمقعده لا طالت الشـده علـى راس الشـداد |
وابو خالد عن يمينـه بالمناكـب والعضـودقائد القوات لا حمي الوطيـس مـن الطـراد |
أبلجٍ الحجّان نجمه من صعودٍ فـي صعـودخاتم الشـارات قبلـة شعبنـا مـن كـل واد |
لو لحيٍّ من كرم كفـه علـى الدنيـا خلـودكان صار اول اسم في الخالدين اسمه وكـاد |
ونايف طير السعد عند الوعد لأهـل الوعـودأشوسٍ ساعـة وعيـده كنهـا يـوم المعـاد |
كم بذل في راحة الشعب السعودي من جهوداطفىء الفتنة وجاهد زمـرة المـارق جهـاد |
كل مـا زادو فتيـل الفتنـة الكبـرى وقـودزادهم ذلاّ وأطعمهـم زعـاف الشـري زاد |
ساقهم سوق الهروش اللي تضالع في القيـودكل هرشٍ قصّ له من جلد ولـد امـه قيـاد |
لين عود ذيبهم حصنـي وصاملهـم شـرودواستتب الأمن رغماً عن أنوف أهـل الفسـاد |
ذا وصلى الله على أشرف بنـي آدم الجـدودصاحب البيت الشريف الهادي احمد خير هاد |
|