هدا
واحد المعلم اعطى للتلاميذ ديالو ثلاثة د لمواضيع: الفيل والدود والعصافير
والنحل وشي مواضيع آخرى او قال ليهم واحد ف هادو غيتحط ف لمتحان....واحد
التلميذ كسول راسو قاصح نيْشْ على الموضوع ديال الدود حفظو مزيان... نهار
لمتحان قال لهم المعلِّم كتبو على الفيل...أو داك صاحبنا جبد ورقة أو هو
يكتب: " الفيل حيوان ضخم له خرطوم طويل و عندما يمو...ت يأكله الدود و الدود نوعان: دودة القز ودودة .......... ،" أو هو يكمل.....
المعلم
ما فهم والـو .. في الغد عطاهم المعلم الموضوع ديال الحديقة، هداك الكسول
من حيث حافظ غير الموضوع ديال الدود أهو يبدا يكتب مايلي :
" ذات يوم كنت أتجول في الحديقة فشاهدت دودة تترنح بين الأزهار والدود نوعان ، دودة القز ودودة .......... ،" و هو يكمل.....
داز
حداه المعلم أشاف هداكشي لكيكتب أقال ليه أولدي راك خرجت على الموضوع ،
أهو يقول المعلم للتلاميذ وقفو غادي نبدل ليكم الموضوع، كتبوا موضوع على
القطــار..
إوا والكسول بدا كيكتب: " ذات يوم صعدت إلى القطار وبينما
أنا أبحث عن مقعد لاحظت دودة تتحرك تحت الكرسي والدود نوعان دودة القز
ودودة ...... "
عاود لاحظ عليه المعلم نفس الملاحظة ، اهو يعاود يبدل
ليهم الموضوع ما عندو علاقة بالأرض، أعطاهم الفضاء، إوا والكسول تزير عندو
الشغل مع الفضاء مافيهش الدود، ما لقـى ما يكتب وبدا يفكـر بـزاف
أهو
يبدا كيكتب : " ذات يوم صعدت في مركبة فضائية إلى الفضاء وبينما أنا اتنقل
من كوكب لآخر شاهدت مركبة فضائية فيها فضائيين بعيني هاته التي سيأكلها
الدود والدود نوعان ، دودة القز ودودة ....
